25 Augustus – St. Louis oftewel Lodewyk

Hy word gedwing om Damiëtta as losgeld op te offer vir sy vrylating waarna hy en sy manskappe na Sirië vertrek om die kruisvaardervestings aldaar te verstewig. Hy keer terug na Frankryk in 1254 waarna hy ‘n vredesbeleid teenoor sy buurstate volg. Op die 1ste Julie 1270 vertrek hy op ‘n verdere kruistog, maar hy sterf van buikloop by sy aankoms in Tunis.

23 Augustus – St. Rosa van Lima

Gebore in 1586, was sy die eerste persoon van die Amerikas om heilig verklaar te word. Sy het haar hele lewe in Lima, Peru deurgebring en was bekend vir die feit dat sy ‘n lewe van selfopgelegde ontbering en onthouding beoefen het.

21 Augustus – St. Pius X

Dit was moeilike en troebel jare vir die Kerk, maar Pius het deur sy diepe geeskragtigheid nie geskroom om die bul by die horings te pak en dwalinge op Kerklike en sosiale gebied aan te val nie.

20 Augustus – St. Bernard van Clairvaux

Ten spyte van sy hoë profiel en onteenseglike magsposisie in Kerkpolitiek, was Bernard in die eerste plek ‘n monnik. Sy leefwyse was eenvoudig en beskeie en dit was die kwaliteite wat hy in sy medebroeders gesoek en aangewakker het. Sy geskrifte wys hom as ‘n man wat op ‘n deursigtige wyse tot die kern van teologiese geskille deurgedring het.